لاہور: مسلم لیگ ن کے صدر اور سابق وزیراعظم میاں نواز شریف نے اپنے آبائی علاقے ریلوے روڈ کا اچانک دورہ کیا۔ اس دوران انہوں نے اپنے پرانے دوستوں اور محلہ داروں سے ملاقاتیں کیں اور ان کے ساتھ خوشگوار بات چیت کی۔
ذرائع کے مطابق میاں نواز شریف سے پارٹی ورکرز بھی ملے، جہاں انہوں نے سیاسی معاملات پر تبادلہ خیال کیا۔ یہ ملاقاتیں دوستانہ ماحول میں ہوئیں اور سابق وزیراعظم نے اپنے چاہنے والوں کے ساتھ وقت گزارا۔ دورہ مکمل کرنے کے بعد میاں نواز شریف جاتی امرا واپس پہنچ گئے۔
