اسلام آباد: انٹرنیشنل مانیٹری فنڈ (آئی ایم ایف) نے پاکستان کو کلائمیٹ فنانسنگ کے تحت 1.3 ارب ڈالر فراہم کرنے کا فیصلہ کیا ہے۔ آئی ایم ایف کے ڈائریکٹر کمیونیکیشن جولی کوزیک نے اس بات کا اعلان کیا کہ یہ فنڈز 28 ماہ کے دوران پاکستان کو فراہم کیے جائیں گے۔ اس فیصلے کے بعد پاکستان کو معاشی اصلاحات کے لیے اہم مالی مدد ملے گی۔
آئی ایم ایف نے یہ بھی بتایا کہ پاکستان کے ساتھ ایکسٹینڈڈ فنڈ فیسیلٹی پروگرام (ای ایف ایف) کے تحت 7 ارب ڈالر اقساط میں فراہم کیے جائیں گے، جس کی مدت 37 ماہ پر مشتمل ہوگی۔ اس پروگرام کا آغاز ستمبر میں ہو چکا ہے۔
آئی ایم ایف کا وفد اگلے مالی سال کے وفاقی بجٹ کی نگرانی کے لیے 4 اپریل کو پاکستان کا دورہ کرے گا، جہاں وہ بجٹ کی حتمی تیاریوں میں شریک ہو گا۔
