اسلام آباد: پاکستان تحریک انصاف کے کراچی سے رکن قومی اسمبلی عامر لیاقت حسین نے عثمان بزدار سے استعفیٰ لینے اور پرویز الہٰی کو وزیراعلیٰ پنجاب نامزد کرنے پر عمران خان پر شدید تنقید کی ہے۔
انہوں نے اپنے ٹویٹ میں وزیراعظم عمران خان کو مخاطب کرتے کہا کہ عثمان بزدار جیسے وفادار شخص سے ذلت کے ساتھ استعفی لیا اورپرویز الہی کی اناُ کو تسکین پہنچا کرآپ نے پوری پی ٹی آئی کو گھبرانے پر مجبور کردیا ہے۔
انہوں نے کہا کہ خان صاحب پارٹی میں دوبارہ شامل ہوں!! میں اس خان کو جانتا تھا جو فائٹر اور ٹائیگر تھا وزیراعلی کو جلانے والا لائٹر نہیں تھا
عامر لیاقت حسین نے کہا کہ استعفی لینا ہی تھا تو عثمان بزدار کو ذلیل کرنے کی کیا ضرورت تھی؟ آخر وہ پارٹی کے ہیں وزیراعظم نے عثمان بزدار کو مقصود چپراسی کی طرح بلوا کر پرویز الہی کے سامنے استعفی لیا تاکہ ان کی انا کو تسکین پہنچے۔
انہوں نے مزید کہا کہ سارا مائنڈ گیم ہے ۔ ق سے قلابازی بھی ہوتی ہے، پلٹ سکتے ہیں،اپوزیشن کے نمبرز حیران کن ہیں اور ہم ق یاُ ایم کیو ایم کو دوبارہ ساتھ ملا کر خوش ہیں ۔
عامر لیاقت حسین نے کہا کہ ایم کیوایم سندھ کی جماعت ہے وہ ملازمتوں کے حصول میں کامیاب ہو جاتی ہے تو لکھ لیجیے وہ پی ٹی آئی کے ساتھ نہیں۔