رمیز راجہ نے لیوک رونکی کو پاکستانی شہریت کا دینے کا مطالبہ کر دیا

کراچی : سابق قومی کپتان رمیز راجہ نے پی ایس ایل تھری میں 435 رنز بنا کر ٹورنامنٹ کے بہترین کھلاڑی کا ایوارڈ لینے والے کیوی بیٹسمین لیوک رونکی کیلئے پاکستانی شہریت کا مطالبہ کردیا۔
تفصیلات کے مطابق رمیز راجہ کا اپنے بیان میں کہنا تھا کہ لیوک رونکی کسی ملک کی نمائندگی نہیں کرتے اور صرف مختلف لیگز میں شرکت کرتے ہیں لہٰذا انہیں پاکستانی شہریت کی پیشکش کر کے پاکستان کی جانب سے اننگز اوپن کرنے کا موقع دیا جائے۔ سابق کپتان اور حالیہ کمنٹیٹر کا کہنا تھا کہ اگر لیوک رونکی اسی طرح مختلف لیگز میں کھیلتے رہے تو یہ بہترین صلاحیت ضائع ہو جائے گی۔