لاہور:پاکستانی اداکارہ فضا علی کی ڈانس ویڈیو وائرل ہوگئی، لوگوں نے ان کے رقص پر شدید تنقید کی ہے۔ فضا علی کے لائیو شو میں رقص پر مداح شدید تنقید کانشانہ بنارہے ہیں اور سوشل میڈیا پر ان کے انسٹا گرام اکائونٹ پر کمنٹس کررہے ہیں ۔
حال ہی میں فضا علی نے اپنے مارننگ شو میں کوک اسٹوڈیو سیزن 15 کے مقبول گانے ‘بلاک بسٹر’ کے گڑوی گروپ کو بطورِ مہمان مدعو کیا۔گڑوی گروپ نے مارننگ شو میں لائیو پرفارم کرتے ہوئے گانا ‘بلاک بسٹر’ گایا، اس موقع پر فضا علی بھی ڈانس کرنے لگیں اور دیکھتے ہی دیکھتے وہ اپنے ڈانس میں کھو گئیں۔
فضا علی نے لائیو شو میں اپنی بیٹی کے ہمراہ ڈانس کیا جس کی ویڈیو انہوں نے اپنے آفیشل انسٹاگرام پر پوسٹ کرتے ہوئے گھڑی گروپ کی آواز کی تعریف کی۔ اداکارہ کی ویڈیو جیسے ہی سوشل میڈیا پر وائرل ہوئی تو صارفین نے اُنہیں کڑی تنقید کا نشانہ بنایا، صارفین نے کہا کہ لائیو شو میں اس طرح ڈانس کرنا بتا رہا ہے کہ فضا علی توجہ کے لیے کتنی بےچین ہیں۔
صارفین نے کہا کہ وہ اپنے شو کو مشہور کرنے کے لیے ایسا کر رہی ہیں لیکن اس شہرت کی بھوک میں اپنی عزت اور وقار کھو رہی ہیں۔کچھ صارفین نے یہ بھی کہا کہ ابھی کچھ دن پہلے تک فضا علی لوگوں کو اخلاقیات کا درس دے رہی تھیں اور اب خود سب کچھ بھول کر لائیو شو میں اپنی بیٹی کے ساتھ ڈانس کررہی ہیں۔
