اسلام آباد : پاکستان نے ایک دن میں 7لاکھ 78ہزار افراد کو کورونا ویکسین لگا کر ویکسینیشن کا ایک اور ریکارڈ قائم کرلیا ،اسد عمر کا کہنا ہے کہ ہمارا ہدف ایک دن میں 10لاکھ سے زائد لوگوں کو ویکسین لگانا ہے۔
تفصیلات کے مطابق نیشنل کمانڈ اینڈ آپریشن سینٹر کے سربراہ اسد عمر نے سماجی رابطے کی ویب سائٹ ٹوئٹر پر اپنے پیغام میں کہا کہ ایک اور ویکسین ریکارڈ قائم کرلیا گیا ، گزشتہ روز 7لاکھ 78ہزار کورونا ویکسین لگائی گئی۔
اسد عمر کا کہنا تھا کہ اس میں پہلے ڈوز کا بھی ریکارڈ شامل ہیں جب ایک دن میں5لاکھ61ہزارویکسین لگائی گئی، لیکن ہمارا ہدف ہے کہ ایک دن میں 10لاکھ سے زائد لوگ ویکسین لگوائیں۔
Yet another daily vaccination record set. Yesterday 7 lakh 78 thousand vaccinations were carried out. New record for first dose also... 5 lakh 61 thousand. New target : to inshallah cross 1 million vaccinations in a day
— Asad Umar (@Asad_Umar) July 28, 2021
یاد رہے پاکستان میں کورونا کی صورتحال سنگین ہوتی جارہی ہے ، گزشتہ 24گھنٹوں کے دوران ملک بھر میں کورونا کے سبب مزید 44 اموات جبکہ چار ہزار 119نئے کیسز رپورٹ ہوئے ہیں جبکہ اس دوران مثبت کیسز کی شرح 7.8 فیصد رہی۔
