لاہور:پاکستان کی معروف اداکارہ نیلم منیر نے شادی کے بعد شوبز میں کام جاری رکھنے کا عزم ظاہر کیا ہے۔ انہوں نے اپنی نئی تصویر انسٹاگرام پر شیئر کرتے ہوئے اپنے مداحوں کا شکریہ ادا کیا، جنہوں نے انہیں شادی کی مبارکباد دی اور دعائیں دیں۔
نیلم منیر نے بتایا کہ شادی کے بعد انہوں نے عارضی طور پر شوبز سے کنارہ کشی اختیار کی تھی، لیکن اب وہ ایک نئی توانائی کے ساتھ واپس آ چکی ہیں اور کام کرنے کے لیے مکمل طور پر تیار ہیں۔ انہوں نے یہ بھی کہا کہ اداکاری کے ذریعے انہیں بے شمار محبت ملی اور وہ اس محبت کو مزید بڑھانے کے لیے واپس آئیں گی۔
نیلم منیر نے اپنے مداحوں، رشتہ داروں، انڈسٹری کے دوستوں اور سوشل میڈیا انفلوئنسز کا بھی شکریہ ادا کیا جنہوں نے ہمیشہ ان کا ساتھ دیا۔
نیلم منیر کی حالیہ شادی دبئی میں محمد راشد سے ہوئی، جو دبئی پولیس کے کرائم انویسٹی گیشن ڈیپارٹمنٹ میں افسر کے طور پر کام کرتے ہیں۔