لندن: برطانوی حکومت کی جانب سے پلاسٹک کچرے سے نمٹنے کے لیے ڈیپازٹ اسکیم کا اعلان کردیا گیا۔
اسکیم کے تحت صارف پلاسٹک کی بوتل لینے پر 20 پینی ادا کیے جائیں گے ۔ خالی بوتل واپس لوٹا نے پر یہ رقم صارف کو واپس کر د ی جا ئے گی ۔
ذرائع کے مطابق اس اسکیم کے لیے ممکنہ طور پر سپر مارکیٹوں میں اور دیگر اسٹورز میں ریورس وینڈنگ مشین نصب کی جائیں گی جن میں خالی بوتلیں جمع کروا کر واؤچر سے پیسے لیے جاسکیں گے۔
برطانیہ میں ہر سال صارفین تقریباً 14 ارب پلاسٹک کی بوتلیں اور نو ارب کین استعمال کرتے ہیں جن کی بڑی تعدادکچرا بن جاتی ہے یا زمین برد کردی جاتی ہیں۔
حکومت کی جانب سے یہ نئی اسکیم انگلینڈ، ویلز اور شمالی آئرلینڈ میں 2025 میں متعارف کرائی جائے گی، جس کے ساتھ انڈسٹری میں ضروری تبدیلیوں کے لیے کام کیا جائے گا۔ اسکیم کے نفاذ کا مقصد تین سال بعد پلاسٹک کچرے میں 85 فی صد تک کمی لانے کی یقین دہانی کرانا ہے۔
اس اسکیم کے متعلق سب سے پہلے 13 سال قبل برطانوی وزیر اعظم ڈیوڈ کیمرون نے تجویز پیش کی جس کے بعد 2017 میں اس وقت کے سیکریٹری اسٹیٹ برائے ماحولیات مائیکل گوو نے یہ تجویز پیش کی۔
واضح رہے کہ اسکیم کے تحت شیشے کی بوتلیں ری فنڈ نہیں جائیں گی۔