نوشہرہ: دارالعلوم حقانیہ اکوڑہ خٹک کی جامع مسجد میں نماز جمعہ کے دوران دھماکے سے 4 افراد جاں بحق جبکہ درجنوں زخمی ہو گئے ہیں۔ دھماکے میں جے یو آئی س کے سربراہ مولانا حامدالحق بھی زخمی ہوئے ہیں۔
ڈی پی او نوشہرہ عبدالرشید کے مطابق، امدادی ٹیمیں موقع پر پہنچ چکی ہیں اور زخمیوں کو اسپتال منتقل کیا جا رہا ہے۔ مولانا حامدالحق کے بیٹے ثانی حقانی نے دھماکے کے وقت مسجد میں سیکڑوں افراد کی موجودگی کی تصدیق کی اور کہا کہ ابتدائی اطلاعات کے مطابق 4 سے 5 افراد جاں بحق ہوئے ہیں۔
پشاور کے سینٹرل پولیس آفس کی جانب سے بتایا گیا کہ دھماکے کی نوعیت کا پتہ لگایا جا رہا ہے۔ تحقیقات جاری ہیں۔
