لاہور :بین الاقوامی کرکٹ کونسل (آئی سی سی) نے پاکستانی کرکٹر صائم ایوب کو "ایمرجنگ کرکٹر آف دی ایئر" کے اعزاز سے نوازا ہے۔ آئی سی سی کی جانب سے جاری اعلامیہ کے مطابق، صائم ایوب کی شاندار کارکردگی اور نوجوان کرکٹر کے طور پر عالمی سطح پر اپنی صلاحیتوں کو منوانے کی وجہ سے انہیں یہ اعزاز دیا گیا۔
صائم ایوب نے گزشتہ سال کے دوران متعدد اہم میچز میں شاندار پرفارمنس کا مظاہرہ کیا، جس سے نہ صرف پاکستان کرکٹ ٹیم بلکہ عالمی سطح پر بھی ان کا نام روشن ہوا۔ ان کی اس کامیابی کو آئی سی سی نے تسلیم کرتے ہوئے انہیں ایمرجنگ کرکٹر آف دی ایئر کا خطاب دیا ہے، جو ان کے مستقبل میں مزید کامیابیوں کے لیے ایک اہم سنگ میل ثابت ہو گا۔
صائم ایوب کی کارکردگی نوجوان کھلاڑیوں کے لیے ایک بہترین مثال ہے اور ان کی اس کامیابی پر کرکٹ حلقوں میں خوشی کی لہر دوڑ گئی ہے۔
