دبئی:متحدہ عرب امارات میں نئے سال کے آغاز پر یکم جنوری 2025 کو سرکاری ملازمین کے لیے عام تعطیل کا اعلان کر دیا گیا ہے۔
وفاقی اتھارٹی برائے سرکاری انسانی وسائل نے بتایا کہ یہ تعطیل بروز بدھ ہو گی، اور آئندہ سال کی پہلی عام تعطیل ہو گی۔ یہ فیصلہ اس سال کے آغاز میں جاری ہونے والی چھٹیوں کی سرکاری فہرست کے مطابق کیا گیا ہے۔
2025 میں شہری 13 دنوں تک کی عام تعطیلات سے فائدہ اٹھائیں گے، جن میں اسلامی تہوار عیدالفطر کی تعطیلات بھی شامل ہوں گی، جن کے بارے میں کابینہ کی جانب سے جاری کردہ قرارداد میں کچھ تبدیلیاں متوقع ہیں۔