سکردو: سکردو اور اس کے اطراف میں موسم سرما کی دوسری برفباری کا سلسلہ جاری ہے، جس کے باعث سردی کی شدت میں مزید اضافہ ہوگیا ہے۔
محکمہ موسمیات کے مطابق سکردو کے میدانی علاقوں میں 3 انچ اور بالائی علاقوں میں ایک فٹ تک برف پڑ چکی ہے۔ برفباری کے نتیجے میں میدانی علاقوں میں درجہ حرارت منفی 13 جبکہ بالائی علاقوں میں منفی 18 ڈگری تک گر چکا ہے۔
شدید برفباری کے باعث سکردو کے 90 فیصد بالائی علاقے زمینی رابطے سے منقطع ہوگئے ہیں، جب کہ قومی ایئرلائن کی پروازیں بھی منسوخ کردی گئی ہیں۔
محکمہ موسمیات کے مطابق برفباری کا سلسلہ اگلے 24 گھنٹوں تک وقفے وقفے سے جاری رہنے کا امکان ہے