نارووال: صوبہ پنجاب کے شہر نارووال کے نواحی گاؤں بڈھاڈولہ میں بیوی کو منانے کیلئے جانے والے داماد کو ساس نے روٹی بنانے والا توا مار کر زخمی کر دیا، جو بعد ازاں ہسپتال میں دم توڑ گیا۔
تفصیلات کے مطابق بیوی کو منانے کیلئے جانے والے داماد نے تلخ کلامی پر فائرنگ کر دی، جس کے باعث سسرموقع پر جاں بحق ہو گیا ۔ جس کے بعد ساس نے روٹی بنانے والا توا مار کر داماد کو زخمی کر دیا جس کو زخمی حالت میں اسپتال منتقل کیا گیا لیکن وہ جانبر نہ ہو سکا۔
لڑائی اور تلخ کلامی کے دوران 2ہمسایوں سمیت 3افراد زخمی ہو گئے، جن میں سے 2زخمیوں کو تشویشناک حالت میں لاہور ریفر کر دیا گیا۔
دوسری جانب شیرگڑھ کے علاقے میں لوڈر رکشہ بے قابو ہو کر درخت سے ٹکرا گیا، ڈرائیور کے ہمراہ رکشہ پر سوار مانگامنڈی کا رہائشی غلام رسول موقع پر دم توڑ گیاجبکہ ڈرائیور معمولی زخمی ہو گیا۔
