نیویارک : ہالی وڈ سٹار انجلینا جولی مستقبل میں سیاسی کیرئیر کا آغاز کر سکتی ہیں ، ان کا کہنا ہے کہ حکومت اور ملٹری کیساتھ مل کر کافی کیا ہے۔
تفصیلات کے مطابق ہالی ووڈ سٹار انجلینا جولی نے میڈٰیا کو دیئے گئے انٹرویو میں کہا ہے کہ مستقبل قریب میں ہو سکتا ہے کہ وہ سیاست میں آئیں لیکن فی الحال ایسا کوئی امکان نہیں ہے۔
انھوں نے کہا کہ میں نے مختلف منصوبوں میں حکومت اور فوج کے ساتھ مل کر کافی کام کیا اور اس کا کافی تجربہ بھی ہے اگر آپ سیاست میں آنے کا سوال دس سال قبل کرتے تو میں ہنسی میں ٹال دیتی۔
انھوں نے کہا کہ اقوام متحدہ کے ساتھ جڑنے کے بعد حکومتی اور فوجی سطح پر معاملات کو سمجھنے میں کافی مدد ملی ہے ، عوامی فلاحی منصوبوں میں بہت کام کیا ہے جس کی وجہ سے سیاسی کیرئیر کو اپنایا جا سکتا ہے۔
