لاہور : پاکستان کرکٹ بورڈ نے 2024-25کے بین الاقوامی سیزن کے لیے سینٹرل کنٹریکٹس کا اعلان کر دیا ہے۔
اس بار 25 کھلاڑیوں کو کنٹریکٹ دیا گیا ہے، جن میں پہلی بار پانچ ایمرجنگ کرکٹرز شامل ہیں جن میں خرم شہزاد، محمد عباس آفریدی، محمد علی، محمد عرفان خان، اور عثمان خان ہیں۔
بابراعظم اور محمد رضوان اے کیٹیگری میں برقرار ہیں، جبکہ شاہین شاہ آفریدی اور نسیم شاہ بی کیٹیگری میں شامل کیے گئے ہیں۔ شان مسعود کی بی کیٹیگری میں شمولیت کپتانی سے مشروط ہے، اور نعمان علی کی سی کیٹیگری میں شمولیت فٹنس کے لحاظ سے دیکھنے کی ہے۔
سابق کپتان سرفراز احمد اور فخر زمان کو سینٹرل کنٹریکٹ میں جگہ نہیں ملی۔ سی کیٹیگری میں عبداللہ شفیق، شاداب خان، ابرار احمد، ساجد خان، سلمان علی آغا، اور سعود شکیل شامل ہیں۔ جبکہ ڈی کیٹیگری میں عامر جمال، محمد وسیم جونیئر، محمد ہریرہ، میر حمزہ، خرم شہزاد، محمد علی، عثمان خان، عرفان خان نیازی، حسیب اللہ خان، عباس آفریدی، اور کامران غلام کو شامل کیا گیا ہے۔
