کابل: افغان طالبان کے بانی ملا عمر کے صاحبزادے ملا یعقوب پہلی بار منظرعام پر آ گئے ہیں اور وہ اس وقت افغانستان کے وزیر دفاع بھی ہیں۔
اس ضمن میں افغان میڈیا کے حوالے سے بتایا ہے کہ کابل میں سردار محمد داؤد خان اسپتال میں منعقدہ تقریب سے خطاب کرتے ہوئے ملا یعقوب نے کہا کہ میرے اور آپ کے درمیان فاصلے ختم ہوگئے ہیں اور ہم سب کو مل جل کر کام کرنا ہوگا۔
نجل أمير المؤمنين الملا محمد_عمر مجاهد.
— Muhammad Jalal (@MJalal313) October 27, 2021
نائب أمير المؤمنين الشيخ هبة الله اخوندزاده
وزير الدفاع الأفغاني المولوي محمد يعقوب حفظه الله يظهر أمام الإعلام لأول مرة.#طالبان #أفغانستان_هُو_آمِن pic.twitter.com/0WXtZGlNou
ملا یعقوب کی ویڈیو طالبان کے حامی سوشل میڈیا اکاؤنٹس نے ریلیز کی ہے جس میں وہ پشتو زبان میں افغانستان میں صحت سے متعلق امور پر اظہار خیال کر رہے ہیں۔ ملا یعقوب نے منعقدہ تقریب سے خطاب کے دوران دعویٰ کیا کہ ایسا وقت بھی آئے گا کہ جب افغانستان کے لوگوں کو علاج کے لیے بیرون ملک نہیں جانا پڑے گا۔ 27 سالہ ملا یعقوب طالبان تحریک کے نائب امیر یہیں۔ انہوں نے ابتدائی دینی تعلیم پاکستان کے مدارس میں حاصل کی ہے۔
ملا یعقوب کا شمار طالبان تحریک کے ان رہنماؤں میں ہوتا ہے جن کی تصاویر تک دستیاب نہیں ہیں اور بہت کم لوگ انہیں پہچانتے ہیں۔
