اسلام آباد: پاکستان مسلم لیگ (ن) کے صدر محمد نواز شریف سے بیلا روس کے صدر الیگزینڈر لوکاشینکو کی ملاقات ہوئی، جس کے دوران دونوں رہنماؤں نے ایک دوسرے سے محبت بھرے انداز میں ملاقات کی۔
بیلا روس کے صدر نے نواز شریف کو دیکھتے ہی بانہیں کھول کر گلے لگایا، جس سے دونوں ممالک کے درمیان تعلقات کی پختگی اور قربت کا اظہار ہوا۔ نواز شریف اور وزیراعظم شہباز شریف نے بیلا روس کے صدر کا دل سے استقبال کیا۔ اس ملاقات میں نائب وزیراعظم اسحاق ڈار اور وزیر اعلیٰ پنجاب مریم نواز شریف بھی شامل تھے۔