لاہور : چیئرمین تحریکِ انصاف عمران خان نے کہا ہے کہ اپنے اوپر تشدد اور ناانصافی پر اعظم سواتی کا غصہ اور مایوسی بالکل ٹھیک ہے۔ حیران ہوں ہم کتنی تیزی سے فاشسٹ ریاست کی طرف بڑھ رہے ہیں۔
سینیٹر اعظم سواتی کی گرفتاری بعد اپنے ٹویٹ میں عمران خان نے کہا کہ زیرحراست تشدد اور بلیک میل کرنے کیلئے سینیٹر اعظم سواتی اور ان کی اہلیہ کی ویڈیو ان کے اہلِ خانہ کو بھیجنے کی تکلیف کو کوئی کیسے نہیں سمجھ سکتا؟
His justifiable anger & frustration at the injustice meted out to him especially the doors of SC remaining closed to him despite over a fortnight of appeals by Senators in support of him. So he tweets & is arrested again. Everyone must raise their voice against this state fascism
— Imran Khan (@ImranKhanPTI) November 27, 2022
عمران خان کا کہنا تھا کہ اعظم سواتی کی حمایت میں سینیٹرز کی طرف سے 15 دن سے اپیلیں کی جا رہی ہیں مگر سپریم کورٹ کے دروازے ان کے لیے بند ہیں۔ اعظم سواتی ٹویٹ کرکے دوبارہ گرفتار ہو گئے، اس ریاستی فاشزم کے خلاف سب کو آواز اٹھانی ہو گی۔
واضح رہے کہ ایف آئی اے نے چک شہزاد کے فارم ہاؤس سے آج صبح متنازعہ ٹویٹس پر اعظم سواتی کوگرفتار کیا ہے۔
