غزہ : اسرائیلی فوج نے غزہ میں بے گھر فلسطینیوں کے خیموں پر ڈرون حملہ کیا جس کے نتیجے میں 13 فلسطینی شہید اور متعدد زخمی ہوگئے۔ غیر ملکی خبر ایجنسی کے مطابق، اسرائیلی فوج نے مفت کھانا تقسیم کرنے والے ایک مرکز کو بھی نشانہ بنایا۔
دوسری جانب جبالیہ میں اسرائیلی فضائی حملے میں حماس کے ترجمان عبداللطیف بھی شہید ہو گئے۔ رپورٹس کے مطابق، اسرائیل کی تازہ بمباری مہم کے نتیجے میں ایک لاکھ 42 ہزار فلسطینی اپنے گھروں سے نقل مکانی کرنے پر مجبور ہو گئے ہیں۔
واضح رہے کہ غزہ میں 7 اکتوبر 2023 سے جاری اسرائیلی جارحیت کے دوران شہید ہونے والے فلسطینیوں کی تعداد 50 ہزار سے تجاوز کر چکی ہے۔