اسلام آباد : وفاقی دارالحکومت اسلام آباد سمیت ملک کے مختلف شہروں میں آج زلزلے کے شدید جھٹکے محسوس کئے گئے۔ پشاور اور اس کے گرد و نواح کے علاقوں میں بھی زلزلے کے جھٹکے آئے، جبکہ کوہاٹ، بونیر، صوابی اور دیگر علاقوں میں بھی زلزلے کا اثر محسوس کیا گیا۔
زلزلے کے باعث شہریوں میں شدید خوف و ہراس پھیل گیا اور لوگ کلمہ طیبہ کا ورد کرتے ہوئے گھروں سے باہر نکل آئے۔زلزلہ پیما مرکز کے مطابق، ریکٹر سکیل پر زلزلے کی شدت 5.2 ریکارڈ کی گئی۔
