کراچی :انتخابات ملتوی ہونے کے خواب دیکھنے والے منظور وسان خود انتخابات کی دوڑ سے باہر ہوگئے۔اپیل ٹربیونل کی جانب سے پیپلزپارٹی کے رہنما منظور وسان کے کاغذات نامزدگی کو مسترد کردیا گیا۔
پی ایس 27 خیرپور سے پیپلز پارٹی کے رہنما منظور وسان کے کاغذات نامزدگی کو اپیلٹ ٹربیونل نے مسترد کردیا۔گرینڈ ڈیموکریٹک الائنس کے میر ظہیر تالپور نے منظوروسان کے خلاف اپیلٹ ٹریبونل میں اعتراضات جمع کرائے تھے۔
درخواست میں کہا گیا کہ منظور وسان نے کاغذات نامزدگی میں دبئی کے مکمل اثاثے ظاہر نہیں کیے۔منظور وسان نے کہا کہ انہیں سمجھ نہیں آ رہا کہ ان کے کاغذات نامزدگی کیوں مسترد کیے گئے،۔
انہوں نے یہ بھی کہا ہے کہ میں نے کاغذات نامزدگی میں تمام اثاثے ظاہر کیے ہیں،اس فیصلے کے خلاف ہائی کورٹ سے رجوع کروں گا۔
