اسلام آباد:رہنما پاکستان تحریک انصاف ذلفی بخاری کا کہنا ہے کہ پولیس اور کیپیٹل ڈیویلپمنٹ اتھارٹی (سی ڈی اے) نے چھاپا مارنے کے بعد ان کا گھر سیل کردیا ہے۔
ذلفی بخاری نےسماجی رابطے کی ویب سائٹ ٹویٹر پر کہا کہ انتہائی گھٹیا حرکت کرتے ہوئے پولیس، سی ڈی اے اور نامعلوم افراد نے اسسٹنٹ کمشنر اور ڈپٹی کمشنر کی موجودگی میں میرے گھر پر چھاپہ مار کر سیل کر دیا۔ گھریلو ملازمین اور پالتوں جانوروں تک کو گھر سے نکال دیا گیا۔
ذلفی بخاری نے کہا کہ ایسی ریاست کے پاس کیا بچا ہے جو اس پست اور خالی نجی املاک پر حملہ کر سکے؟