اسلام آباد: وزیراعظم عمران خان نے شمالی وزیرستان اور بلوچستان میں دہشتگردوں کے حملے میں شہید ہونے والے فوجی جوانوں کو خراج عقیدت پیش کیا ہے۔
تفصیلات کے مطابق ، وزیراعظم عمران خان نے سماجی رابطے کی ویب سائٹ ٹویٹر پر ٹویٹ کرتے ہوئے کہاکہ بلوچستان اور شمالی وزیرستان میں شہید پاک فوج کے جوانوں کو سلام پیش کرتا ہوں۔
I salute our armed forces personnel who continue to lay down their lives fighting terrorists to keep the nation safe. My condolences & prayers go to the families of the10 brave soldiers, including an officer, martyred fighting terrorists in North Waziristan & Balochistan today.
— Imran Khan (@ImranKhanPTI) July 27, 2019
وزیر اعظم نے کہا کہ پاک فوج کے جوان قوم کے تحفظ کے لیے دہشت گردوں سے لڑ رہے ہیں، مادر وطن پر قربان ہونے والے بہادر سپاہیوں کے اہلخانہ سے دلی تعزیت کرتا ہوں۔
یادرہے کہ شمالی وزیرستان میں پاک فوج پر سرحد پار سے فائرنگ کے نتیجے میں 6 جوان شہید ہو گئے تھے جبکہ بلوچستان میں ایف سی کے 4 جوان شہید ہوئے تھے۔
