اسلام آباد میں میڈیا سے بات کرتے ہوئے بابر اعوان کا کہنا تھا کہ کل سے کہا جا رہا ہے کہ سپریم کورٹ کے جج صاحبان اسلام آباد سے باہر ہیں جس کی وجہ سے پاناما کیس کا فیصلہ تاخیر کا شکار ہو جائے گا تاہم لازمی نہیں ہے کہ چند ججز کے اسلام آباد کے باہر ہونے سے فیصلہ تاخیر کا شکار ہو۔
بابر اعوان نے کہا کہ اس بات کی وضاحت ضروری ہے کہ پاناما کیس کا فیصلہ محفوظ کرنے والا بینچ پاناما بینچ نہیں بلکہ پاناما عملدرآمد بینچ ہے دو یا تین ججز کی موجودگی میں بھی فیصلہ سنایا جا سکتا ہے جس کی مثال ماضی میں ملتی ہے۔ انہوں نے دعویٰ کیا کہ سپریم کورٹ کل پاناما کیس کا فیصلہ سُنا سکتی ہے۔
تحریک انصاف کے رہنما کا کہنا تھا کہ سپریم کورٹ نے جے آئی ٹی سے 13 سوالات کے جوابات لانے کو کہا گیا جو تحقیقاتی ٹیم لے آئی ہے تاہم اب کہا جا رہا ہے کہ ایک کے خلاف فیصلہ آئے تو دوسرے کو نہیں چھوڑنا۔
نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں
