اسلام آباد: پاکستانی اداکارہ حرا مانی کی ایک ویڈیو سوشل میڈیا پر وائرل ہو رہی ہے، جس میں وہ معروف یوٹیوبر رجب بٹ سے اپنی انوکھی خواہش کا اظہار کر رہی ہیں۔
رجب بٹ، جو فیملی وی لاگنگ کی وجہ سے نوجوانوں میں مقبول ہیں، حال ہی میں اپنی شادی کی ویڈیوز اور تصاویر کے باعث خاصی شہرت حاصل کر چکے ہیں۔ اب وہ پاکستانی فلم انڈسٹری میں اپنی پہلی میوزک ویڈیو کے ذریعے ڈیبیو کرنے جا رہے ہیں، جس میں حرا مانی ان کے ساتھ نظر آئیں گی۔ دونوں نے اس ویڈیو کا پوسٹر اپنے انسٹاگرام اکاؤنٹس پر شیئر کیا، جس سے ان کے مداحوں میں جوش و خروش بڑھ گیا۔
ویڈیو میں رجب بٹ حرا مانی کو یوٹیوب چینل بنانے کا مشورہ دیتے ہیں، جس پر حرا مانی مذاق کرتے ہوئے کہتی ہیں، "آپ ہی میرا یوٹیوب چینل بنائیں اور مجھے امیر بنا دیں۔" اس پر رجب بٹ وعدہ کرتے ہیں کہ وہ نہ صرف حرا مانی کا یوٹیوب چینل بنائیں گے بلکہ انہیں پانچ لاکھ فالوورز بھی بطور تحفہ دیں گے۔
ویڈیو وائرل ہونے کے بعد سوشل میڈیا صارفین کی مختلف رائے سامنے آئی ہے۔ بعض نے حرا مانی کے اس رویے پر تنقید کی، جبکہ کچھ نے رجب بٹ کے اس وعدے پر سوالات اٹھائے اور کہا کہ وہ سبسکرائبرز خریدنے کی بات کر رہے ہیں۔
ایک صارف نے حرا مانی کے اس رویے پر افسوس کا اظہار کرتے ہوئے لکھا، "حرا مانی سے اس قسم کے رویے کی توقع نہیں تھی۔"
