اسلام آباد: آئی سی سی چیمپئنز ٹرافی 2025 کے ٹکٹوں سے متعلق تفصیلات کا اعلان کر دیا گیا ہے۔ پاکستان میں ہونے والے میچوں کے ٹکٹوں کی فروخت 28 جنوری سے شروع ہو گی، جس میں گروپ میچز اور دوسرے سیمی فائنل کی ٹکٹیں شامل ہوں گی۔
آئی سی سی نے مزید بتایا کہ بھارت کے میچز کی ٹکٹوں کی فروخت کا اعلان متحدہ عرب امارات (یو اے ای) میں جلد کیا جائے گا۔
پاکستان میں جنرل اسٹینڈ کے ٹکٹس کی قیمت 1000 روپے سے شروع ہو گی، جب کہ پریمیم سیٹوں کے ٹکٹس 1500 روپے سے مختلف کیٹیگریز میں دستیاب ہوں گے۔
چیمپئنز ٹرافی 2025 کا آغاز 19 فروری کو پاکستان میں ہو گا، جب کہ بھارتی ٹیم اپنے میچز یو اے ای میں کھیلے گی
