ڈسٹرکٹ اینڈ سیشن کورٹ اسلام آباد نے غیرشرعی نکاح کیس کے گواہان کے خلاف اندراج مقدمہ کی درخواست مسترد کر دی۔
اسلام آباد کی مقامی عدالت میں مفتی سعید، خاور مانیکا، عون چوہدری سمیت دیگر کے خلاف اندراجِ مقدمہ کی درخواست مسترد کر دی گئی۔
اسلام آباد کی ڈسٹرکٹ اینڈ سیشن کورٹ کے ایڈیشنل سیشن جج عبدالغفور کاکڑ نے 22 اے کی درخواست مسترد کی۔
واضح رہے کہ درخواست گزارایڈووکیٹ وسیم تھہیم نے اندراجِ مقدمہ کی درخواست دائر کی تھی۔
یاد رہے کہ 16 جنوری کو غیر شرعی نکاح کیس میں بانی پی ٹی آئی عمران خان اور بشریٰ بی بی پر فرد جرم عائد کی گئی تھی۔
