کراچی : مصطفیٰ عامر قتل کیس کی تحقیقات کے حوالے سے آئی جی سندھ اور کراچی پولیس چیف کو وزیراعلیٰ ہاؤس طلب کیا گیا ہے۔ اس کے علاوہ ڈی آئی جی سی آئی اے، ایس ایس پی اے وی سی سی اور ایس ایس پی ایس آئی یو بھی بریفنگ کے لیے وزیراعلیٰ ہاؤس آئیں گے۔
پولیس چیف جاوید عالم اوڈھو مصطفیٰ عامر قتل کیس سے متعلق تفصیل سے بریفنگ دیں گے۔ بریفنگ میں یہ بتایا جائے گا کہ تفتیش میں کن کامیابیوں کو حاصل کیا گیا ہے اور گرفتار ملزمان، ارمغان اور ساحر حسن نے دورانِ تفتیش کیا سنسی خیز انکشافات کیے۔ پولیس حکام کے مطابق وزیراعلیٰ ہاؤس میں بریفنگ کے علاوہ آئندہ کے لائحہ عمل پر بھی بات چیت کی جائے گی۔
