لاہو ر : وزارت تخفیف غربت و سماجی تحفظ نے رمضان المبارک کی آمد سے قبل زکوٰۃ نصاب کا اعلان کر دیا ہے۔ وزارت کے مطابق یکم رمضان المبارک سے بینکوں میں 1 لاکھ 79 ہزار 689 روپے یا اس سے زائد رقم پر زکوٰۃ کٹوتی کی جائے گی۔ یہ کٹوتی بچت اکاؤنٹس، نفع و نقصان اور اسی طرح کے دیگر اکاؤنٹس پر ہوگی۔
زکوٰۃ کٹوتی یکم یا 2 مارچ کو رمضان کی پہلی تاریخ کے مطابق کی جائے گی۔ اس حوالے سے وزارت تخفیف غربت نے بینکوں کو ایک مراسلہ جاری کر دیا ہے۔ زکوٰۃ وعشر آرڈیننس 1980 کے تحت یکم رمضان المبارک کو 1 لاکھ 79 ہزار 689 روپے سے کم بیلنس والے اکاؤنٹس زکوٰۃ کٹوتی سے مستثنیٰ ہوں گے۔
