پشاور : وزارت مذہبی امور کے ترجمان کے مطابق، رمضان المبارک 1446 ہجری کا چاند دیکھنے کے لیے مرکزی رویت ہلال کمیٹی کا اجلاس 29 شعبان المعظم 1446 ہجری، 28 فروری (بروز جمعہ) کو پشاور میں طلب کیا گیا ہے۔
اجلاس کی صدارت چیئرمین مرکزی رویت ہلال کمیٹی مولانا عبدالخبیر آزاد کریں گے۔ ترجمان نے بتایا کہ زونل رویت ہلال کمیٹیاں اپنے متعلقہ مقامات پر اجلاس منعقد کریں گی۔ اسلام آباد کی زونل کمیٹی کا اجلاس وزارت مذہبی امور میں ہوگا۔ چاند نظر آنے یا نہ آنے کا حتمی اعلان چیئرمین مرکزی رویت ہلال کمیٹی مولانا عبدالخبیر آزاد کریں گے۔
