اسلام آباد : وفاقی کابینہ میں توسیع کے معاملے پر نئے وزرا کی حلف برداری کی تقریب آج شام 5 بجے ایوان صدر میں ہوگی۔ انتظامات مکمل کر لیے گئے ہیں اور تقریب میں شرکت کے لیے دعوت نامے بھی جاری کر دیے گئے ہیں۔
نئے وزرا میں ڈاکٹر طارق فضل چودھری، حنیف عباسی، خالد مگسی، اور مصطفیٰ کمال شامل ہوں گے، جو وفاقی وزیر کا حلف اٹھائیں گے۔ ذرائع کے مطابق ڈاکٹر طارق فضل چودھری کو وزیر صحت کے طور پر تعینات کیے جانے کا امکان ہے۔ حنیف عباسی کو ریلوے کا قلمدان دیا جائے گا، خالد مگسی کو وزارت مواصلات، اور مصطفیٰ کمال کو وزارت سائنس و ٹیکنالوجی کا عہدہ ملے گا۔
