جھنگ: فیصل صالح حیات مسلم لیگ (ن) میں شامل ہوگئے ۔سابق وفاقی وزیر فیصل صالح حیات پاکستان مسلم لیگ (ن) میں شامل ہوگئے ہیں۔
صدر پاکستان مسلم لیگ (ن) شہباز شریف شاہ جیونہ جھنگ پہنچے جہاں مخدوم سید فیصل صالح حیات نے ان کا استقبال کیا۔اس موقع پر مسلم لیگ (ن) پنجاب کے صدر رانا ثنااللہ اور سینئر رہنما ملک احمد خان بھی شہباز شریف کے ساتھ تھے۔
فیصل صالح حیات کے ساتھ میڈیا سے گفتگو کرتے ہوئے مسلم لیگ (ن) کے صدر شہباز شریف نے کہا کہ فیصل صالح حیات صاحب کا شکر گزار ہوں جنہوں نے خلوص دل سے ہمیں دعوت دی اور ہم آج یہاں موجود ہیں۔ان کا کہنا تھا کہ اپنے قائد نوازشریف صاحب سمیت مسلم لیگ (ن) کی پوری قیادت کی طرف سے نیک خواہشات اور تمنائیں لے کر آیا ہوں۔
انہوں نے کہا کہ فیصل صالح حیات کی شرکت سے مسلم لیگ (ن) کو تقویت ملےگی، فیصل صالح حیات نے ن لیگ میں شمولیت کی دعوت قبول کی۔انہوں نے کہا کہ نواز شریف چوتھی بار وزیراعظم بنیں گے، نواز شریف کی سربراہی میں پاکستان ترقی کرےگا۔
مخدوم فیصل صالح حیات صاحب کا شکر گزار ہوں جنہوں نے خلوص دل سے ہمیں دعوت دی اور ہم آج یہاں موجود ہیں۔اپنے قائد نوازشریف صاحب مسلم لیگ ن کی پوری قیادت کی طرف سے نیک خواہشات اور تمنائیں لیکر آیا ہوں۔صدر مسلم لیگ (ن) محمد شہبازشریف pic.twitter.com/lodZ57zUZb
— PMLN (@pmln_org) December 27, 2023
