لاڑکانہ ،مریم نوا ز شریف نے بینظیر بھٹو کی برسی کے موقع پر خطاب میں وزیراعظم عمران خان پر سخت تنقید کی ۔ مریم نواز نے کہا کہ پی ڈی ایم کے جلسوں میں جیسے ہی کوئی لیڈر کسی وجہ سے شرکت نہیں کرپاتا تو عمران خان تالیاں بجاتا ہے اور کہتا ہے کہ پی ڈی ایم میں پھوٹ پڑگئی تو ایسا نہیں ہے ۔ پی ڈی ایم میں پھوٹ پڑنے کا وزیراعظم کا خواب پورا نہیں ہوگا ۔
مریم نواز نے کہا کہ عمران خان کہتا ہے کہ بلاول زرداری کم عمر بچے ہیں تو ان کم عمر بچوں نے تم کو تگنی کا ناچ نچایا ہے ۔ جن بچوں کی تم شکایت کرتے ہو ان بچوں کے ساتھ پاکستان کے عوام ہیں ۔
مریم نواز کا کہنا تھا کہ عمران خان کی جنگ پی ڈی ایم سے نہیں ہے پاکستان کے عوام سے ہے اور پاکستان کے عوام یہ جنگ جیت چکے ہیں ۔
انہوں نے کہا کہ تابعدار خان تم یہ جنگ ہار چکے ہو۔ مہنگائی کو ختم کرنے کے لئے حکومت کو گھر بھیجنا ہوگا ۔ انہوں نے کہا کہ ہم فوج کو نہیں کہتے کہ حکومت کا تختہ الٹو ہم صرف سلیکٹرز کو کہتے ہیں کہ اس سے پیچھے ہٹ جاؤ جب تم اس سے پیچھے ہٹ جاؤ گے تو عمران خان جانےا ور عوام جانے ۔
