راولپنڈی: لاہور ہائیکورٹ راولپنڈی بینچ میں لاپتہ ڈپٹی سپریٹنڈنٹ جیل محمد اکرم کے حوالے سے دائر پٹیشن پر سماعت 29 اگست تک ملتوی کردی گئی۔ عدالت نے سی پی او راولپنڈی کی جانب جمع کروائے گئے جواب کو غیر تسلی بخش قرار دیتے ہوئے انہیں آئندہ سماعت پر طلب کر لیا ۔
سماعت لاہور ہائیکورٹ راولپنڈی بینچ کے جسٹس مرزا وقاص رؤف نے کی۔اسسٹنٹ ایڈووکیٹ جنرل کی جانب سے سی پی او راولپنڈی کا جواب عدالت میں جمع کروایا گیا جس میں کہا گیا کہ سی پی او راولپنڈی نے مختلف اداروں اور چاروں صوبوں کی پولیس کو خطوط بجھوائے ہیں جس میں لاپتہ ڈپٹی سپرینٹنڈنٹ محمد اکرم کے حوالے سے تفصیلات مانگی گئی ہیں، محمد اکرم کے حوالے سے کوششیں جاری ہیں۔
عدالت نے سی پی او راولپنڈی کے جواب غیر تسلی بخش قرار دے دیا اور انہیں آئندہ سماعت پر عدالت طلب کرلیا۔
سماعت کے دوران پٹیشن کے قابل سماعت ہونے پر پٹیشنز کی وکیل ایمان مزاری نے دلائل دیتے ہو کہا کہ ایف ائی ار ہماری پٹیشن کی سماعت کے بعد درج ہوئی ہے لہذا یہ پٹیشن قابل سماعت ہے۔
بعد ازاں عدالت نے پٹیشن پر مزید سماعت 29 اگست تک ملتوی کر دی۔
