بالی وڈ: امریکی اداکارہ کرسٹن سٹیورٹ نے لیڈی ڈیا نا کے انداز میں ڈائیلاگ بول کر سب کو حیران کردیا ۔ برطانوی شہزادی لیڈی ڈیانا پر بننے والی فلم " سپنسر " کا ٹریلر ریلیز کردیا گیا ہے ۔ ٹریلر میں شہزادہ چارلس اور لیڈی ڈیانا کو محوگفتگو دکھایا گیا ہے ۔
میڈیا رپورٹس کے مطابق فلم " سپنسر " میں کرسٹن سٹیورٹ لیڈی ڈیانا کا رول ادا کررہی ہیں جبکہ شہزادہ چارلس کا کردار جیک فاردنگ اداکررہے ہیں ۔
فلم کا ٹریلر ریلیز کردیا گیا ہے جس کو عوام کی بڑی تعداد نے پسندکیا ہے ۔
فلم " سپنسر " کے ٹریلر میں اداکارہ کرسٹن سٹیورٹ کے لیڈی ڈیانا کے انداز میں بولنے کو بہت پسند کیا گیا ہے ۔ اکثر مداح ان کے لیڈی ڈیانا کے انداز میں بولنے پر حیران بھی ہیں ۔ یہ فلم نومبر میں ریلیز کی جائے گی ۔
فلم کے ٹریلر میں کچھ سین کرسمس کی تقریب کے بھی دکھائے گئے ہیں ۔
یاد رہے کہ فلم سپنسر لیڈی ڈیا نا اور شہزادہ چارلس کی زندگی کے اتار چڑھاؤ پر بنائی گئی ہے ۔ فلم میں دونوں میاں بیوی کے درمیان تنازعات طلاق اور پھر علیحدگی کو موضوع بنایا گیا ہے ۔
