پاک فوج نے کیپٹن ضرار کے کورٹ مارشل سے متعلق خبر کی تردید کر دی

اہم خبریں پاکستان 
 
پاک فوج نے کیپٹن ضرار کے کورٹ مارشل سے متعلق خبر کی تردید کر دی
کیپشن: \'وی او اے دیوہ\' غلط رپورٹنگ کی روایت پر چل رہا ہے، ترجمان پاک فوج۔۔۔۔۔۔فوٹو/ بشکریہ آئی ایس پی آر

راولپنڈی: پاک فوج نے کیپٹن ضرار کے کورٹ مارشل سے متعلق غیر ملکی نشریاتی ادارے کی خبر کی تردید کر دی۔ امریکی نشریاتی ادارے نے اپنی ٹوئٹ میں وزیرستان میں سیکیورٹی فورسز کی مبینہ فائرنگ سے نوجوان کی ہلاکت کے حوالے سے یہ خبر دی تھی کہ کیپٹن ضرار کے کورٹ مارشل کی یقین دہانی کے بعد شمالی وزیرستان میں دھرنا ختم کر دیا گیا ہے۔

آئی ایس پی آر کے ڈائریکٹر جنرل میجر جنرل آصف غفور نے اس خبر کو مسترد کرتے ہوئے کہا ہے کہ حقائق جاننے کے لیے انکوائری کا حکم دے دیا گیا ہے۔ کورٹ مارشل کی کوئی یقین دہانی نہیں کرائی گئی۔

پیٹرول اور ڈیزل کی قیمتیں برقرار، فروخت میں معمولی اضافہ

میجرجنرل آصف غفور نے مزید لکھا کہ سیکیورٹی فورسز کے ہاتھوں کوئی شخص زخمی یا ہلاک نہیں ہوا۔ 'وی او اے دیوہ' غلط رپورٹنگ کی روایت پر چل رہا ہے۔ ڈی جی آئی ایس پی آر نے کہا کہ وزیرستان کے لوگ پرامن اور محبت کرنے والے ہیں۔