لاہور: گورنر پنجاب محمد بلیغ الرحمن نے بطور چانسلر گورنمنٹ کالج یونیورسٹی (جی سی یو) سیاسی پروگرام کے انعقاد کا نوٹس لیتے ہوئے کہا ہے کہ جامعات میں اس طرح کے سیاسی جلسوں کی گنجائش نہیں ہے۔
تفصیلات کے مطابق سماجی رابطوں کی وی سائٹ ٹوئٹر پر جاری پیغام میں بتایا گیا کہ ’ گورنر پنجاب محمد بلیغ الرحمن نے بطور چانسلر گورنمنٹ کالج یونیورسٹی میں سیاسی پروگرام کے انعقاد کا نوٹس لے لیا! ملک کے نامور تعلیمی ادارے گورنمنٹ کالج یونیورسٹی کا سیاسی اکھاڑہ بنانا افسوسناک ہے۔ جامعات میں اس طرح کے سیاسی جلسوں کی گنجائش نہیں۔‘
گورنر پنجاب محمد بلیغ الرحمٰن نے بطور چانسلر گورنمنٹ کالج یونیورسٹی میں سیاسی پروگرام کے انعقاد کا نوٹس لے لیا!
— The Governor of Punjab (@GovOfPunjab) September 26, 2022
▪️ملک کے نامور تعلیمی ادارے گورنمنٹ کالج یونیورسٹی کا سیاسی اکھاڑہ بنانا افسوس ناک ہے۔
▪️جامعات میں اس طرح کے سیاسی جلسوں کی گنجائش نہیں۔ @MBalighurRehman
ایک اور ٹویٹ میں گورنر پنجاب محمد بلیغ الرحمن نے لکھا ’بچے ہمارا مستقبل اور قومی سرمایہ ہیں، انہیں سیاست میں دھکیلنے کی کوئی گنجائش نہیں ہے۔‘
▪️بچے ہمارا مستقل اور قومی سرمایہ ہیں انہیں سیاست میں دھکیلنے کی کوئی گنجائش نہیں۔
— The Governor of Punjab (@GovOfPunjab) September 26, 2022
واضح رہے کہ پاکستان مسلم لیگ (ن) کی نائب صدر مریم نواز کی جانب سے پاکستان تحریک انصاف (پی ٹی آئی) کے چیئرمین عمران خان کو کالج کے احاطے میں جلسہ کی اجازت دینے پر وائس چانسلر (وی سی) کیخلاف کارروائی کا مطالبہ کیا گیا تھا۔
مریم نواز نے سماجی رابطوں کی ویب سائٹ ٹوئٹر پر جاری پیغام میں کہا کہ گورنمنٹ کالج یونیورسٹی کے وائس چانسلر ( وی سی) کیخلاف فتنے (عمران خان) کو تعلیمی ادارے کے احاطے میں جلسے کے انعقاد کرنے پر سخت کارروائی کی جائے۔ تعلیمی ادارے کو سیاسی نفرت پھیلانے کیلئے استعمال کرنا ایک ایسا جرم ہے جس پر سزا دی جانی چاہیے۔
Strict action must be taken against Vice Chancellor Government College Uni for desecrating an educational institution by lending it to a Fitna & organising his jalsa on the premises. Using a seat of learning for political hate-mongering is a crime that should not go unpunished.
— Maryam Nawaz Sharif (@MaryamNSharif) September 26, 2022
