کراچی:اداکارہ علیزے شاہ کی جانب سے انسٹاگرام پر حال ہی میں شیئر کی گئی بولڈ ویڈیوز اور تصاویر پر سوشل میڈیا صارفین کی جانب سے شدید تنقید کا سامنا ہے۔ علیزے نے تصاویر میں گلابی اور سفید رنگ کی ٹی شرٹ اور پینٹ پہنی ہوئی ہے، اور انہیں مختلف گانوں پر پرفارم کرتے ہوئے دیکھا جا سکتا ہے۔
اس انداز پر ردعمل ظاہر کرتے ہوئے کچھ سوشل میڈیا صارفین نے علیزے کو شدید تنقید کا نشانہ بنایا، ان کے لباس کو غیر موزوں اور ان کے انداز کو غیر مناسب قرار دیا۔ بہت سے لوگوں نے ان پر بے حیائی پھیلانے کا الزام عائد کیا اور کہا کہ ان کا لباس روز بروز مختصر ہوتا جا رہا ہے، جسے وہ قابل اعتراض سمجھتے ہیں۔
کچھ صارفین نے انہیں "پاکستانی عرفی جاوید" کا لقب دیتے ہوئے کہا کہ اگر وہ اس طرح کی پوسٹس کرتی ہیں تو انہیں چاہیے کہ انسٹاگرام پوسٹس میں اپنے کمنٹس سیکشن کو بند رکھا کریں تاکہ ان پر ہونے والی تنقید سے بچ سکیں۔ لوگوں نے ان کے رویے اور لباس کو پاکستانی معاشرتی اور اسلامی اقدار کے خلاف قرار دیا اور انہیں مشورہ دیا کہ وہ مسلمان ہونے کے ناطے شرم و حیا کو ملحوظ خاطر رکھیں۔
کچھ صارفین نے علیزے کی تعریف کرنے کے بجائے ان کے سابقہ کردار اور انداز کو بہتر قرار دیا اور کہا کہ ان میں تبدیلی آتی جا رہی ہے جو کہ ان کے مداحوں کے لیے مایوس کن ہے۔