لیوسٹن : امریکی ریاست میئن کے شہر لیوسٹن میں ایک شخص نے تین جگہ فائرنگ کر دی جس کے نتیجے میں 22 افراد ہلاک اور 60 زخمی ہوگئے۔
امریکی میڈیا کے مطابق لیوسٹن شہر میں ملزم نے پہلے باؤلنگ (bowling) کلب میں اندھا دھند فائرنگ کی جس کے نتیجے میں 10 افراد موقع پر ہی ہلاک ہوئے۔ بعد ازاں اسی شخص نے شہر میں واقع لوکل بار اور والمارٹ ڈسٹری بیوشن سینٹر پر بھی فائرنگ کی۔
#BREAKING: The Androscoggin County Sheriff’s Office in Maine is searching for a suspected active shooter in Lewiston.
— Preston Phillips ???????? (@PrestonTVNews) October 26, 2023
Per CNN: 16 dead, 50-60 injured.
The sheriff’s office just posted these surveillance stills showing the suspected shooter aiming an AR-style rifle.
Maine State… pic.twitter.com/y1y1KJD6d8
امریکی میڈیا کے مطابق فائرنگ کے بعد ملزم فرار ہوگیا ہے، تاہم فائرنگ کی وجہ تاحال معلوم نہیں ہو سکی۔
اینڈروسکوگن کاؤنٹی شیرف کے دفتر نے اپنے فیس بک پیج پر مشتبہ شخص کی دو تصاویر جاری کیں جن میں ایک بندوق بردار کو اپنے کندھے پر ہتھیار اٹھائے اسٹیبلشمنٹ میں داخل ہوتے ہوئے دکھایا گیا۔
امریکی پولیس نے ہدایت کی ہے کہ ملزم کی گرفتاری تک شہری اپنے گھروں سے باہر نہ نکلیں جبکہ ریاست کی اسپتالوں میں ایمرجنسی نافذ کردی گئی ہے۔ دوسری جانب علاقے میں تمام بزنسز بند کرنے کی ہدایت کردی گئی ہے۔
ریاست میئن کے گورنر کا کہنا ہے کہ شہری بلاجواز باہر نہ نکلیں، سیکیورٹی اہلکار حالات کا جائزہ لے رہے ہیں۔
امریکی میڈیا کے مطابق لیوسٹن 37 ہزار آبادی پر مشتمل شہر ہے اور پورٹ لینڈ کے شمال میں واقع ہے۔
