اسلام آباد: وزیراعظم کے معاون خصوصی ڈاکٹر شہباز گل نے مریم نواز شریف کی جانب سے ٹیلی فون کالز پر نامعلوم افراد کی جانب سے دھکیاں دینے کا نوٹس لیتے ہوئے فرانزک کروانے کی پیشکش کر دی ہے۔
سماجی رابطوں کی ویب سائٹ ٹویٹر پر جاری بیان میں انہوں نے مریم نواز کو پیشکش کرتے ہوئے لکھاکہ ایک ایکسپرٹ سے بات ہوئی ہے، اس کے مطابق آپ کے جن جن لوگوں کو فون آئے ہیں، ان کے فونز کا فارنزک کرنا ہوگا تاکہ دھمکی دینے والے تک پہنچا جا سکے۔ اب براہ مہربانی قانون نافذ کرنے والے اداروں سے رابطہ کریں اور فرانزک کروا لیں۔
ایک ایکسپرٹ سے بات ہوئی ہے اسکے مطابق آپکے جن جن لوگوں کو فون آئے ہیں ان کے فونز کا فارنزک کرنا ہوگا تا دھمکی دینے والے تک پہنچا جا سکے۔ اب براہ مہربانی قانون نافذ کرنے والے اداروں کو رابطہ کریں اور فرانزک کروا لیں۔ pic.twitter.com/6ic9H92vix
— Dr. Shahbaz GiLL (@SHABAZGIL) October 25, 2020
دوسری جانب وفاقی وزیر اطلاعات ونشریات سید شبلی فراز نے سماجی رابطوں کی ویب سائٹ ٹویٹر پر جاری اپنے بیان میں کہا ہے کہ قانون کو مطلوب عوام کو گمراہ کرنے کی مذموم کوشش کر رہے ہیں۔ سیاسی مفاد کی خاطر بعض سیاسی جماعتیں عوام کو قومی اداروں کے خلاف بھڑکانے کی غلطی کر رہی ہیں۔ جو کسی بھی ملک کی بقا اور سلامتی کی بنیاد کی حیثیت رکھتے ہیں۔ عمران خان نے ان کے آگے پہلے سر جھکایا نہ اب جھکائیں گے۔
قانون کو مطلوب عوام کو گمراہ کرنے کی مذموم کوشش کر رہے ہیں۔اپنے سیاسی مفاد کی خاطر بعض سیاسی جماعتیں عوام کو قومی اداروں کے خلاف بڑھکانے کی غلطی کر رہی ہیں جو کسی بھی ملک کی بقاءاور سلامتی کی بنیاد کی حیثیت رکھتے ہیں ۔عمران خان نے ان کے آگے نہ پہلے سر جھکایا نہ اب سر جھکائے گا
— Senator Shibli Faraz (@shiblifaraz) October 26, 2020
گزشتہ روز اپنی ایک ٹویٹ میں انہوں نے امیر جماعت اسلامی کے بیان کی تعریف کرتے ہوئے کہا تھا کہ سینیٹر سراج الحق کا بیان کہ مسلم لیگ (ن) اور پیپلز پارٹی باریاں لینے کی جدوجہد میں مصروفِ ہیں، ہمارے موقف کی تائید ہے، ہم خیر مقدم کرتے ہیں۔ پی ڈی ایم کا ڈرامہ مریم نواز کا خاندانی قبضہ قائم کرنے کیلئے رچایا جا رہا ہے۔ پارٹی صدر کے جیل جانے کے بعد نائب صدر پوری پارٹی کی ملکہ بن چکی ہیں۔
امیر جماعت ِاسلامی کابیان کہ مسلم لیگ (ن)اور پیپلز پارٹی باریاں لینے کی جدوجہد میں مصروفِ ہیں،ہمارے موقف کی تائید ہے،ہم خیر مقدم کرتے ہیں۔پی ڈی ایم کاڈرامہ مریم نواز کاخاندانی قبضہ قائم کرنے کیلئے رچایاجارہا ہے۔پارٹی صدر کے جیل جانے کے بعد نائب صدر پوری پارٹی کی ملکہ بن چکی ہیں ۔
— Senator Shibli Faraz (@shiblifaraz) October 25, 2020
