پشاور: پی ٹی آئی کی منحرف رکن عائشہ گلالئی نے الیکشن کمیشن میں عمران خان کی معافی کو ان کے لیے رسوائی قرار دے دیا۔ چیئرمین پی ٹی آئی عمران خان نے الیکشن کمیشن میں توہین عدالت کیسز میں معافی مانگ لی جس کے بعد ان کے خلاف کیسز ختم کر دیئے گئے۔
تحریک انصاف کی منحرف رکن عائشہ گلالئی نے عمران خان کی معافی پر سماجی رابطے کی ویب سائٹ ٹوئٹر پر رد عمل دیا۔
اپنی ٹوئٹ میں عائشہ گلالئی کا کہنا تھا کہ ’رسوائی اس کے مقدر میں لکھ دی گئی ہے‘۔ عائشہ گلالئی نے جہانگیر ترین کے ایک بیان پر انہیں بھی شدید تنقید کا نشانہ بنایا۔
واضح رہے کہ الیکشن کمیشن نے عمران خان کی جانب سے عائشہ گلالئی کو ڈی نوٹیفائی کرنے کا ریفرنس مسترد کر دیا تھا جس کے بعد وہ قومی اسمبلی کی رکن برقرار ہیں۔
نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں