کیلیفورنیا: مارک زکربرگ کی انسٹنٹ میسیجنگ ایپ واٹس ایپ نے ویو ونس کا فیچر ڈیسک ٹاپ اور ایب ورژن کیلئے بھی متعارف کرا دیا۔
اس فیچر کے تحت بھیجی جانیوالی تصویر یا ویڈیو ایک بار کھلنے کے بعد چیٹ سے مکمل طور پر غائب ہوجاتی ہے۔
میٹا کی زیرملکیت میسجنگ ایپ کی اپ ڈیٹس پر نظر رکھنے والی سائٹ ویب بیٹا انفوکے مطابق واٹس ایپ کے ویب ورژن اور ڈیسک ٹاپ ایپ پر یہ فیچر متعارف کرایا گیا ہے۔
WhatsApp is rolling out a feature to send view once photos and videos from Desktop apps!
— WABetaInfo (@WABetaInfo) November 26, 2023
In the past few weeks, WhatsApp enabled support for sending view once messages from WhatsApp for Windows, macOS, iPad, and Web!https://t.co/qUHSRFwswx pic.twitter.com/4IxQFN0Njd
جب کوئی صارف ویب ورژن یا ڈیسک ٹاپ ایپ پر تصویر یا ویڈیو اپ لوڈ کرے گا تو وہاں 1 کا آئیکون نظر آئے گا جس پر کلک کرکے میسج کو ویو ونس کے طور پر بھیجنا ممکن ہوگا۔
اس فیچر سے صارفین ایسے پیغامات بھیج سکیں گے جو ایک بار دیکھے جانے کے بعد خودبخود غائب ہوجائیں گے۔اس فیچر سے صارفین کو حساس معلومات جیسے پاس ورڈ یا کریڈٹ کارڈ کی تفصیلات وغیرہ شیئر کرنے کا موقع ملے گا اور لیک ہونے کا خطرہ بھی نہیں ہوگا۔
خیال رہے کہ اس وقت واٹس ایپ میں ویو ونس کے تحت بھیجی جانے والی تصاویر اور ویڈیوز کے اسکرین شاٹ لینا ممکن نہیں۔
یاد رہے کہ واٹس ایپ نے اگست 2021 میں تصاویر اور ویڈیوز کی پرائیویسی اور ایپ کی میموری کو بچانے کیلئے 'ویو ونس' کا فیچر متعارف کرایا تھا۔ اب تک یہ سہولت صرف موبائل ایپ کے لیے دستیاب تھی، مگر اب اس فیچر کو ڈیسک ٹاپ اور ویب ورژن کے لیے بھی متعارف کرا دیا گیا ہے۔
میٹا کی زیرملکیت میسجنگ ایپ کی اپ ڈیٹس پر نظر رکھنے والی سائٹ ویب بیٹا انفوکے مطابق یہ نیا فیچر ڈیسک ٹاپ اور ویب ورژن کے کچھ صارفین کو دستیاب ہے جبکہ بتدریج تمام صارفین کے لیے اسے متعارف کرا دیا جائے گا۔
