ویلنگٹن: نیوزی لینڈ نے پاکستان کو پانچویں اور آخری ٹی 20 میچ میں 8 وکٹوں سے شکست دے کر سیریز 4-1 سے اپنے نام کر لی۔
نیوزی لینڈ نے ٹاس جیت کر پہلے فیلڈنگ کا فیصلہ کیا اور پاکستان کو 128 رنز کا ہدف دینے میں کامیاب ہوئے۔ قومی ٹیم نے مقررہ 20 اوورز میں 9 وکٹوں کے نقصان پر 128 رنز اسکور کیے، جس میں سلمان علی آغا کی 51 رنز کی اننگز اہم رہی۔ شاداب خان نے 28 رنز بنائے، تاہم باقی بلے باز زیادہ دیر تک کریز پر نہ رک سکے۔
حسن نواز صفر، محمد حارث 11، عمیر بن یوسف اور عثمان خان 7، 7 رنز بنا کر آؤٹ ہوئے، اور عبدالصمد 4، جہانداد خان 1، صفیان مقیم اور محمد علی بھی بغیر رن کے پویلین لوٹ گئے۔ حارث رؤف 6 رنز کے ساتھ ناٹ آؤٹ رہے۔ نیوزی لینڈ کی جانب سے جیمز نیشم نے شاندار باؤلنگ کرتے ہوئے 5 وکٹیں حاصل کیں، جب کہ جیکب ڈفی، بین سیئرز اور ایش سودھی نے ایک، ایک وکٹ حاصل کی۔
جواب میں نیوزی لینڈ کے بلے بازوں نے پاکستان کے ہدف کو صرف 10 اوورز میں 2 وکٹوں کے نقصان پر حاصل کر لیا۔ اوپنر ٹم سیفرٹ نے 38 گیندوں پر 97 رنز کی ناقابل شکست اننگز کھیلی، جبکہ فن ایلن 27 اور مارک چیپمین 3 رنز بنا کر آؤٹ ہوئے۔ پاکستان کی جانب سے دونوں وکٹیں صفیان مقیم نے حاصل کیں۔
پاکستانی ٹیم میں اس میچ کے لیے پانچ تبدیلیاں کی گئیں۔ شاہین شاہ آفریدی کو ڈراپ کیا گیا، اور عمیر بن یوسف، عثمان خان، جہانداد خان، صفیان مقیم اور محمد علی کو ٹیم میں شامل کیا گیا۔ اس کے علاوہ کپتان سلمان علی آغا، حسن نواز، شاداب خان اور حارث رؤف بھی شامل تھے۔
