وفاقی حکومت کی جانب سے رمضان المبارک میں عوام کو مفت آٹا فراہم کرنے کا مشن کو پورا کرنے کیلئے وزیراعظم شہباز شریف نے بہاولپور کا ایک روزہ دورہ کیا ۔
وزیراعظم شہباز شریف کے دورہ بہاورپور کے موقع پر وفاقی وزیر مریم اورنگ زیب بھی ان کے ہمراہ ہیں ، وزیر اعظم نے ڈرنگ اسٹیڈیم اور عباسیہ ہائی اسکول میں قائم مفت آٹے کی تقسیم کے مرکز کا دورہ کیا اور شہریوں کو مفت آٹے کی تقسیم کا جائزہ لیا۔ شہبازشریف نے شہریو ں کو مفت آٹے کی فراہمی کے حوالے سے انتظامات پر اطمینان کا اظہار کیا ۔ انہوں نے عوام سے شکایات سنیں اور انتظامیہ کو فوری ازالے کی ہدایات جاری کیں ۔
وزیر اعظم کا کہنا تھا کو شہری آٹے کاایک تھیلا لے چکے ہیں انہیں آئیندہ دوتھیلے دیئے جائیں گے ۔ ذرائع کے مطابق و زیر اعظم بہاولپور کے مفت آٹا سینٹرز کا دورہ کر نے کے بعد بہاولنگر روانہ ہوگئے ہیں ۔
