دبئی: قومی ٹیم کی کھلاڑی جویریہ خان ودود خان کو آئی سی سی نے ویمن ڈیولپمنٹ سکواڈ کی کپتان مقرر کر دیا۔
تفصیلات کے مطابق و یمن گلوبل ڈیولپمنٹ سکواڈ میں 7 ممالک سے خواتین کھلاڑی شامل کی گئی ہیں جو اپنے دورہ انگلینڈ میں 6 ٹی 20 میچز کھیلے گی سکواڈ میں شامل دیگر کھلاڑیوں کا تعلق ایسوسی ایٹ ممالک سے ہے۔
آئی سی سی کا کہنا ہے کہ ویمن ڈیولپمنٹ سکواڈ کا مقصد خواتین کرکٹر کے کھیل کو بہتر بنانا ہے، اس سے قبل انگلینڈ کرکٹ بورڈ ڈبلیو جی ڈی ایس پروگرام نومبر اور جولائی 2018 میں منعقد کرچکا ہے۔
ویمن ڈیولپمنٹ سکواڈ اپنا پہلا میچ 29 جولائی کو انگلینڈ ویمن اکیڈمی کے درمیان کھیلے گی جبکہ دوسرا میچ 31 جولائی کو ساؤدرن وائپرز کے درمیان کھیلا جائے گا۔ جمعہ 2 اگست کو ویمن ڈیولپمنٹ سکواڈ کی ٹیم سرے سٹارز کا سامنا کرے گی۔