لاہور: انتخابی نتائج کے خلاف متحدہ مجلس عمل کے سربراہ مولانا فضل الرحمان نے تمام ہم خیال جماعتوں کو ایک پلیٹ فارم پر جمع کرنے کا فیصلہ کیا ہے جس کے لیے ایم ایم اے کل 27 جولائی کو آل پارٹیز کانفرنس کا انعقاد کرنے جا رہی ہے جس میں پیپلز پارٹی، مسلم لیگ (ن)، ایم کیو ایم، پی ایس پی اور اے این پی سمیت تمام ہم خیال جماعتوں کو مدعو کیا گیا ہے۔
ترجمان ایم ایم اے کا کہنا ہے کہ متحدہ مجلس عمل دھاندلی سے بھر پور انتخابی نتائج کو مسترد کرتی ہے جس پر مشترکہ لائحہ عمل طے کرنے کے لیے کُل جماعتی کانفرنس بلائی گئی ہے جس میں ایک پلیٹ فارم سے مشترکہ جدوجہد کے ممکنات پر غور کیا جائے گا۔ اے پی سی کے تمام انتظامات مکمل کر لیئے گئے ہیں۔
مزید پڑھیں: عائشہ گلالئی کو چاروں حلقوں سے شکست کا سامنا
واضح رہے کہ عام انتخابات 2018 کے اب تک موصول ہونے والے غیر سرکاری اور غیر حتمی نتائج کے تحت تحریک انصاف کو برتری حاصل ہے تاہم ایم ایم اے سمیت مسلم لیگ (ن)، ایم کیو ایم، اے این پی اور دیگر سیاسی جماعتوں نے انتخابی عمل کی شفافیت پر سوال اُٹھاتے ہوئے نتائج کو مسترد کر دیا ہے۔
نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں
