ملتان: ویسٹ انڈیز نے دوسرے ٹیسٹ میں قومی ٹیم کو جیت کیلئے 254 رنز کا ہدف دے دیا ہے، ملتان میں کھیلے جا رہے دوسرے ٹیسٹ میچ کے دوسرے روز ویسٹ انڈیز کی ٹیم دوسری اننگز میں 244 رنز بنا کر آؤٹ ہوگئی۔
پاکستان اور ویسٹ انڈیز کے درمیان جاری دوسرے ٹیسٹ میچ کے دوسرے روز ویسٹ انڈیز کی ٹیم نے پاکستان کے خلاف اپنی دوسری اننگز میں 7 وکٹوں کے نقصان پر 196 رنز بنائے اور 200 رنز کی برتری حاصل کر لی۔
پاکستان کی پہلی اننگز میں ایک مایوس کن پرفارمنس کا مظاہرہ کیا گیا، جہاں پوری ٹیم صرف 154 رنز پر آؤٹ ہو گئی۔ کپتان شان مسعود اور بابراعظم سمیت کئی اہم بیٹرز ناکام رہے، تاہم سعود شکیل اور محمد رضوان نے پانچویں وکٹ پر 68 رنز کی اہم پارٹنرشپ قائم کی۔
ویسٹ انڈیز نے ٹاس جیت کر پہلے بیٹنگ کا فیصلہ کیا، اور آغاز میں پاکستانی باؤلرز نے انہیں مشکلات میں ڈالا۔ خاص طور پر نعمان علی کی شاندار باؤلنگ نے ویسٹ انڈیز کی بیٹنگ لائن کو توڑ دیا، اور انہوں نے ٹیسٹ میچ میں پاکستان کی طرف سے پہلی ہیٹرک مکمل کی۔ نعمان علی نے 6 وکٹیں حاصل کیں اور ویسٹ انڈیز کو 163 رنز پر آؤٹ کیا۔
ویسٹ انڈیز کی جانب سے گڈاکیش موتی نے 55 رنز بنائے، لیکن پاکستانی باؤلرز نے انہیں جلد پویلین واپس بھیج دیا۔ پاکستان نے پہلے ٹیسٹ میں ویسٹ انڈیز کو 127 رنز سے شکست دی تھی اور اس میچ میں بھی جیت کی کوشش کر رہا ہے۔ اب ویسٹ انڈیز کے پاس 200 رنز کی برتری ہے اور پاکستان کے باؤلرز کے لیے اس برتری کو کم کرنے کا چیلنج موجود ہے۔
