ملتان: پاکستان اور ویسٹ انڈیز کے درمیان کھیلے جا رہے دوسرے ٹیسٹ میچ کی دوسری اننگز میں ویسٹ انڈیز کی بیٹنگ جاری ہے۔
پہلی اننگز میں ویسٹ انڈیز کی ٹیم 163 رنز بنا کر آؤٹ ہو گئی تھی، جبکہ پاکستان کی ٹیم 163 رنز کے جواب میں 154 رنز بنا سکی، جس کے نتیجے میں مہمان ٹیم کو پہلی اننگز میں 9 رنز کی برتری حاصل ہوئی۔
پاکستان ٹیم میں ایک تبدیلی کی گئی ہے، فاسٹ بولر خرم شہزاد کی جگہ نوجوان فاسٹ بولر کاشف علی کو فائنل الیون میں شامل کیا گیا ہے۔ پاکستانی ٹیم میں شان مسعود، محمد ہریرہ، بابر اعظم، کامران غلام، سعود شکیل، محمد رضوان، سلمان آغا، ساجد خان، نعمان علی، کاشف علی اور ابرار احمد شامل ہیں۔ یاد رہے کہ دونوں ٹیموں کے درمیان 2 ٹیسٹ میچز کی سیریز کا پہلا میچ قومی ٹیم نے جیتا تھا۔
