سری نگر : دنیا بھر میں مقیم کشمیری آج بھارتی یوم جمہوریہ کو یوم سیاہ کے طور پر منائیں گے، جبکہ مقبوضہ جموں و کشمیر میں مکمل ہڑتال کی جائے گی۔ کشمیریوں کی طرف سے اس دن کو منانے کا مقصد بھارت کی جمہوریت اور سیکورٹی کے دعووں کا پردہ فاش کرنا ہے، جو کشمیریوں کے حقوق کی خلاف ورزیوں کے تحت ہیں۔
وزیراعظم آزاد کشمیر، چوہدری انوار الحق نے کہا کہ بھارت کی جمہوریت اور سیکوریزم دنیا کی آنکھوں میں دھول جھونکنے کے مترادف ہے۔ انہوں نے مزید کہا کہ بھارت میں اقلیتوں کو نہ مذہبی آزادی حاصل ہے اور نہ ہی ان کے مذہبی مقامات محفوظ ہیں۔ بھارت نے گزشتہ سات دہائیوں سے کشمیریوں کا حق سلب کر رکھا ہے۔
چوہدری انوار الحق نے یہ بھی کہا کہ بھارت انسانی حقوق کی بدترین خلاف ورزیوں میں ملوث ہے اور کشمیر کسی صورت بھارت کا حصہ نہیں بن سکتا۔ کشمیری اپنے حق خودارادیت کے لیے اپنی جدوجہد جاری رکھیں گے۔
