سنچورین:کھیل اچھا لیکن بارش کے باعث قسمت خراب رہی ،پاکستان کو جنوبی افریقہ نے تیسرے ون ڈے میں شکست دے دی۔بارش سے متاثرہ میچ میں ڈک ورتھ لوئس میتھڈ کے تحت جنوبی افریقہ کی ٹیم 13 رنز سے فاتح قرار پائی ،جنوبی افریقہ نے دو وکٹوں کے نقصان پر 187 رنز بنائے۔
سنچورین میں ہونے والے میچ میں پاکستان کے امام الحق کی شاندار سنچری، بابراعظم کے 69 اور محمد حفیظ کے 52 رنز بھی کام نہ آئے اور پانچ میچوں کی سیریز میں جنوبی افریقہ کو 1-2 کی برتری حاصل ہوگئی۔
South Africa win by 13 runs on the DLS method!
— ICC (@ICC) January 25, 2019
A brilliant innings by Reeza Hendricks to see his side into a winning position, and the hosts take a 2-1 lead in the series.#SAvPAK SCORE ➡️ https://t.co/cK1w92Vkqf pic.twitter.com/ZxaffT5l0K
پاکستان کی جانب سے دیئے گئے ہدف کے تعاقب میں جنوبی افریقہ کی اننگز کا آغاز کوئنٹن ڈی کوک اور ہاشم آملہ نے کیا لیکن 25 کے انفرادی اسکور پر ہاشم آملہ حسن علی کی گیند پر بابراعظم کو آسان کیچ دیکر آؤٹ ہو گئے۔کوئنٹن ڈی کوک کو 33 کے انفرادی اسکور پر شاداب خان نے شاندار تھرو کر کے رن آؤٹ کیا۔
اس سے قبل گرین شرٹس نے مقررہ اوورز میں317رنز بنائے ،امام الحق نے 101رنز کی شاندار اننگ کھیلی ،فخر زمان ابتدا میں ہی پویلین لو ٹ گئے۔
بابر اور امام نے شاندار 136 رنز کی شراکت بنائی،بابر 69 رنز پر آوٹ ہوئے،پروفیسر بھی فارم میں نظر آئے اور دھواں دار 52 رنز بنا کرپویلین واپس گئے ،آخری اوورز میں عماد وسیم کے جارحانہ 43 رنز نے ٹوٹل 317 رنز تک پہنچا دیا۔
